“What a Feeling” hitinin ifaçısı, müğənni və aktrisa Ayrin Kara 63 yaşında ABŞ-da dünyasını dəyişib.
Musavat.com “Report”a istinadən xəbər verir ki, sənətçinin ölümünü onun agenti Cudit Muz tviterdə elan edib.
“Dərin kədər hissi ilə Ayrin Karanın vəfatını ailəsi adından bildirirəm”, - müğənninin agenti qeyd edib.
Aktrisa Floridadakı evində dünyasını dəyişib. Ölümün səbəbi müəyyənləşdirilir.
Qeyd edək ki, Nyu-Yorkun Bronks rayonunda anadan olan Ayrin Kara “Oskar”, “Qızıl Qlobus” və “Qremmi” mükafatı laureatıdır. O, “Flash Dance” filminin saundtreki olan “What a Feeling” mahnısını ifa etdikdən sonra, həmçinin “Şöhrət” filmində iştirakı sayəsində məşhurlaşıb.
