Yapon avtomobil istehsalçısı “Mazda” Rusiya biznesindəki payını 1 avroya satıb.
Azpost.info xəbər verir ki, bu barədə şirkət özü məlumat yayıb.
““Mazda” Rusiyadakı aktivlərini “Sollers Auto”ya ötürüb. Müvafiq saziş oktyabrın 24-də imzalanıb. Əməliyyat məbləği 1 avro təşkil edib. “Mazda”nın Rusiya bazarını tərk etməkdən yaranan itkiləri 82 milyon dollardır”, – məlumatda bildirilir.
O da qeyd olunur ki, “Mazda” Rusiyada işini bərpa etmək imkanını görmür.
Şirkətin qərarı Ukraynada hərbi əməliyyatların başlaması və tədarükün qarşısını alan Qərb sanksiyalarının tətbiqi ilə bağlıdır.
