"Sol tərəfdə olduğu üçün ürəkdə sıxıntım var idi. Ağrı vermir, səni incitmir, öz işini görür, sonra canını alır".
Musavat.com Axşam.az-a istinadla xəbər verir ki, bu sözləri Əməkdar artist Kubra Əliyeva "ATV səhər" proqramında deyib. Süd vəzi xərçəngindən əziyyət çəkən aktrisa xəstəliyə qalib gəldiyini bildirib:
"İki, üç gün narahatlıq hiss etdim. Gəlib, əməliyyat olunub, həmən xilas olmaq istədim. Əməliyyatdan sonra sevindiyimdən elə bilirdim dünya mənimdir, heç xəstəlik məndə olmayıb. Qorxmaq lazım deyil. Öz fəsadını bədənində göstərmədən, onu kəşf edin. Kəşf etsəniz, qalib gələcəksiniz".
