Çeçenistan rəhbəri Ramzan Kadırovun oğlu, 15 yaşlı Adam 1-ci dərəcəli "İslam dininə xidmətə görə" ordeni ilə təltif edilib.
Musavat.com xarici KİV-ə istinadən xəbər verir ki, bu barədə Çeçenistanın milli siyasət və xarici əlaqələr naziri Əhməd Dudayev özünün teleqram kanalında bildirib.
Mükafatı noyabrın 15-də Qroznıda keçirilən beynəlxalq elmi-praktik konfrans çərçivəsində Çeçenistanın müftisi Şeyx Salah-Hacı Mejiyev təqdim edib.
“Orden İslamın möhkəmlənməsinə və dəyərlərinin qorunmasına görə verilib”, - deyə nazir qeyd edib.
Xatırladaq ki, Kadırovun oğulları Axmat, Eli və Adam noyabrın 9-da Çeçenistan parlamentinin ən yüksək “Vətən Şərəfi” ordeni ilə təltif edilib.
Musavat.com
