İndoneziyanın Yava adasında 5,6 bal gücündə baş vermiş zəlzələ nəticəsində 20-dək insan ölüb, azı 300 nəfər xəsarət alıb.
"Report" xəbər verir ki, bu barədə yerli KİV məlumat yayıb.
Yavanın ən böyük şəhərlərindən biri olan Çianjur şəhərinin meri təkcə xəstəxanalardan birinə 20-yə yaxın ölü və 300 nəfər yaralının yerləşdirildiyini bildirib.
Ölən və xəsarət alanların sayı barədə məlumat dəqiqləşdirilir.
Episentri Çianjur şəhəri olan zəlzələ İndoneziyanın paytaxtı Cakartada da hiss olunub.
