Yəmən husilərinin Ənsar Allah hərəkatı hərbi əməliyyat zamanı 6 ticarət gəmisinə hücum edib.
Musavat.com xəbər verir ki, bu barədə hərəkatın hərbi nümayəndəsi Yəhya Səriya “Al Masirah” kanalında məlumat açıqlayıb.
O bildirib ki, hərbi əməliyyatlar zamanı Qırmızı dənizdə “Laax”, “Morea” və “Seladi” gəmilərinə qarşı pilotsuz uçuş aparatları, gəmi əleyhinə və ballistik raketlər atılıb.
Ərəb dənizindəki “Alba” və “Maersk Hartford” da hücuma məruz qalıb: “Zərbələr nəticəsində bütün gəmilər zədələnib. Altıncı hərbi əməliyyatın hədəfi Aralıq dənizində bir neçə qanadlı raketlə vurulan “Minerva Antonia” idi".
Təşkila nümayəndəsinin açıqlamasına görə, hücuma məruz qalan gəmilər İsrailə gedirmiş.
Musavat.com
