Avropa İttifaqı Yeddilik Qrupunun (G7) Xirosimada keçiriləcək sammitində Ukraynaya hərbi yardımı genişləndirmək və sürətləndirməkdə israr edəcək.
AzVision.az xəbər verir ki, bunu Brüsseldə keçirilən mətbuat konfransında Avropa Komissiyasının rəhbəri Ursula fon der Leyen və Avropa Şurasının prezidenti Şarl Mişel deyiblər.
"Mən liderlərdən iki əsas prinsipə riayət etmələrini gözləyirəm. Birincisi odur ki, biz Ukraynaya nə qədər vaxt lazımdırsa dəstəkləməyə davam edəcəyik. İkincisi, Ukraynasız Ukrayna haqqında heç nə. 2023-cü ildən sonra da “lazım olana qədər” əsas maliyyə yardımı, eləcə də "burada və indi" sürətləndirilmiş hərbi yardım əsas baza prinsipi olmalıdıır. . Və “Ukraynasız Ukrayna haqqında heç nə” prezident Volodimir Zelenskinin planına güclü dəstək deməkdir”, - deyə fon der Leyen bildirib.
"İndi Ukraynanın tez zamanda daha çox hərbi yardıma ehtiyacı var və, bu, onun əks-hücum üçün lazımdır", - Mişel deyib.
