Millət vəkili Fazil Mustafa ona qarşı İran xüsusi xidmət orqanlarının təhriki ilə həyata keçirilən sui-qəsdin ildönümünü iftar süfrəsində qeyd edir.
Musavat.com xəbər verir ki, Millət vəkili Abşeron ərazisində yerləşən restoranların birində ölkənin ictimai-siyasi həyatının tanınmış simaları, millət vəkilləri, jurnalistlər və dostları ilə bərabər hadisənin ildönümünü qeyd edir.
Xatırladaq ki, ötən ilin 28 mart tarixində, saat 21:51-də Milli Məclisin deputatı Mustafa Fazil Qəzənfər oğluna yaşadığı evin qarşısında “Kalaşnikov” konstruksiyalı avtomat silahından atəş açılaraq terror aktı törədilib.
Fazil Mustafa ağ "Lexus" markalı avtomobili ilə evinə çatanda silahlı hücuma məruz qalıb. Hadisə zamanı o, çiyin və ayağından yaralanıb.
Musavat.com
