Ermənistan rəhbərliyinin son zamanlar atdığı anti-Rusiya addımları vətəndaşları daxili problemlərdən yayındırmaq üçün lazımdır.
Musavat.com "Moskva danışır" radiostansiyasına istinadla xəbər verir ki, bu fikri Primakov adına araşdırmalar mərkəzinin baş elmi işçisi Stanislav Pritçin deyib.
O, qeyd edib ki, respublikanın üzləşdiyi çoxsaylı problemlərdən biri lazımi dəstək və ya yardım almadıqları üçün Qarabağdan köçən və sayı 100 mini keçən qaçqınlardır.
“Ermənistanda belə problemlər çoxdur. Amma indi Ermənistan rəhbərliyi üçün belə bir illüziya yaratmaq vacibdir ki, ölkə rəhbərliyi ilk növbədə Ermənistanın təhlükəsizliyinin və uzunmüddətli inkişafının mühüm aktual məsələlərini həll edir”, – tarixçi qeyd edib
Onun sözlərinə görə, İrəvanın xidmətlərindən imtina etmək qərarına gələn rus sərhədçiləri birdən-birə Ermənistanın bu uzunmüddətli məqsədinə qarşı oynayan tərəf olub.
“Bu, o qədər böyük siyasi oyundur ki, Ermənistan üçün çox qeyri-müəyyən nəticələr verə bilər”, - deyə ekspert yekunlaşdırıb.
Musavat.com
