Ermənistanda dövlət orqanlarının hakim “Vətəndaş sazişi” partiyasından olan deputat Xaçatur Sukiasyanın ailəsinə məxsus “SIL Sığorta” şirkəti ilə 52 müqavilə bağladığı ortaya çıxıb.
Musavat.com xəbər verir ki, bu barədə “Hraparak” qəzeti məlumat yayıb.
“Təkcə Səhiyyə Nazirliyi bu ilin fevralında Sukiasyanın şirkətinə 537 milyon dram (1 milyon 341 min dollar) köçürüb. 2023-cü il ərzində isə dövlət qurumları “SIL Sığorta”ya 680 milyon dramdan çox (1 milyon 699 min dollar) vəsait yatırıblar. Bir çox şirkətlər dövlət qurumlarından sifariş almaqda çətinlik çəkirlər, lakin yalnız bir neçəsi uğur qazanır”, - deyə qəzet yazıb.
Musavat.com
