Ermənistan Milli Təhlükəsizlik Xidməti hökumət binalarını partlatmağa və ələ keçirməyə hazırlaşan cinayətkar dəstəni yaxalayıb.
Bu barədə Milli Təhlükəsizlik Xidmətinin mətbuat xidməti məlumat yayıb. “2023-cü il ərzində terror aktlarının hazırlanmasında beş şəxs (A. M., S. M., E. Ts., V. V. və K. S.) və bir neçə hələlik naməlum şəxs iştirak edib”, - məlumatda deyilir.
Qeyd olunur ki, cinayətkar birliyin planlarına partlayışa hazırlıq, o cümlədən dövlət orqanlarının işini pozmaq məqsədi ilə hökumət və digər binaların zəbt edilməsi daxil imiş.
Bu və gündəmdəki digər xəbərləri bu gün saat 16.00-da aparıcı Kamran Həsənlinin təqdimatındakı Kamranla 1 verilişində müzakirə edəcəyik.
Müzakirədə tamaşaçılarımız da iştirak edə bilər.
