“Təhlükəsizlik sistemi təkcə müqavilələrdən ibarət deyil. Bunlar silahdır, əsgərlərdir, beynəlxalq-hüquqi müqavilələrdir”.
Musavat.com erməni mediasına istinadən xəbər verir ki, bunu Ermənistan parlamentində hakim Vətəndaş sazişi partiyasından vitse-spiker Akop Arşakyan bildirib.
Arşakyan jurnalistlərin “Qərb Ermənistana təhlükəsizliyin təmin edilməsi baxımından KTMT-yə alternativ təklif edibmi?” sualına cavab verib.
“Belə görünür ki, silah əldə etmək baxımından ən azı başqa alternativlər varmış və Ermənistan onlardan istifadə edir. İndi Ermənistan ordusunun müxtəlif tədarükçüləri var, təəssüf ki, əvvəllər belə təchizatçılar yox idi”, - deyə Arşakyan qeyd edib.
Musavat.com
