“Təəssüf ki, biz fəsilləri rəhbər tutan dövlətə çevrilmişik, yəni mövsümi təhlükəsizlik dövləti olmuşuq”.
Musavat.com Caliber.az saytına istinadən xəbər verir ki, bu sözləri Ermənistanın İslahatçılar Partiyasının sədri, keçmiş deputat Vahan Babayan yerli “168.TV”yə müsahibəsində deyib.
“Uduzan tərəf bizik. Biz bir tərəfdən uduzan tərəfdə qalmaq istəyirik, digər tərəfdən hər hansı güzəştə getməyə hazır olduğumuzu dərhal bəyan edirik. Fərqli şeyləri düşünən və istəyən bizik. Rusiya ilə münasibətlərdə də belə olur. Biz onlara deyirik, pul verin, silah verin, qoşun verin və gəlin, bizim üçün döyüşün, amma sizi söyməliyik. Siz bizi qoruyacaqsınız, amma biz heç nə etməyəcəyik. Əgər etməsən, səni daha 5 dəfə lənətləyərik. İndi biz nə istəyirik? Həqiqətənmi bütün bunlarla qalib olmaq istəyirik? Bu gün qalib ola bilmərik. Mən ritorik sual vermək istəyirəm, Ermənistan qalib ola bilərmi? Əlbəttə, yox.
Hərbi dəstək baxımından, bilmək istəyirsinizsə, Ermənistanın müttəfiqi kimi çıxış edən və ya onun ərazilərini qoruya biləcək yeganə dövlət Rusiyadır. Ümid etsək ki, bu gün belə təhdidlər zamanı xaricdən kimsə gəlib bizi xilas edəcək, deməli, bu, sadəcə söhbətdir. Ən azından savadsız olmalısan ki, hansısa üçüncü ölkənin sənin üçün döyüşə biləcəyini düşünəsən”, - Babayan bildirib.
Musavat.com
