Ermənistanın keçmiş xarici işlər naziri Vardan Oskanyanın oğluna qarşı dələduzluqla bağlı cinayət işi başladılıb.
Musavat.com bildirir ki, bu barədə erməni mediası açıqlama yayıb
KİV-in məlumatına görə, Ara Oskanyan həbsdə olan əmlakı satmaqda ittiham olunur. Sabiq nazirin oğlu çoxdan hüquq-mühafizə orqanlarının əməkdaşlarının nəzarətindədir. Belə ki, 2017-ci ildə o, borclu şəxsi qaçırmaqda şübhəli bilinərək saxlanıb. Lakin sonradan iş bağlanıb.
Hesab olunur ki, eks-nazirin oğlunun işinin təzələnməsi təsadüfi deyil. Bu günlərdə Vardan Oskanyan Nikol Paşinyanın siyasətini sərt tənqid edən açıqlama ilə çıxış etmişdi və bu iş onun “dilini kəsməyə” hesablanıb.
Musavat.com