Türkiyənin Mardin vilatərində cümə günü doğum edən və dünən axşam xəstəxanadan evə buraxılan Vatfa Ecevit əri Şiyar Ecevit tərəfindən çoxsaylı bıçaq zərbələri ilə öldürülüb.
Musavat.com xəbər verir ki, Şiyar Ecevit hadisədən sonra jandarma tərəfindən saxlanılıb.
Hadisə axşam saatlarında Artuklu rayonunun Dərə kəndi ərazisində baş verib. Evinə gələn Vatfa Ecevit naməlum səbəbdən mübahisə etdiyi həyat yoldaşı tərəfindən dəfələrlə bıçaqlanıb və ağır yaralanıb. Şiyar Ecevit daha sonra vəziyyəti yaxınlarına çatdırıb.
Evə gələn yaxınları Vətfa Eceviti qanlar içində görəndə jandarma və təcili yardıma xəbər veriblər. Xəbər üzərinə hadisə yerinə təcili yadım və jandarma qrupları gəlib. Şiyar Ecevit nəzarətə alınıb. Mardin Təhsil və Araşdırma Xəstəxanasına aparılan Vatfa Eceviti isə həkimlərin bütün müdaxilələrinə baxmayaraq xilas etmək mümkün olmayıb. Vətfa Ecevitin cəsədi ekspertiza üçün xəstəxana meyitxanasına aparılıb.
Hadisə ilə bağlı istintaq davam edir.
Musavat.com
