Türkiyənin Düzce vilayətində dəhşətli hadisə baş verib.
Musavat.com xəbər verir ki, evdə baş verən yanğın zamanı 52 yaşlı Hacer Kurt adlı qadın faciəvi şəkildə ölüb.
Ev taxta olduğundan alov sürətlə yayılıb. Evin qapı hissəsində yanğın daha güclü olduğundan içəridə olan qadın çölə çıxa bilməyib.
Qonşuların xəbərdarlığından sonra hadisə yerinə yanğınsöndürənlər gəlib. Təxminən yarım saatlıq əməliyyatdan sonra yanğın nəzarətə götürülüb. Evə daxil olan qruplar Hacer Kurtun tüstüdən zəhərlənərək öldüyünü müəyyən ediblər. Hadisə yeri araşdırma qrupları evdə soyutma işləri aparıb.
Hacer Kurtun cəsədi morqa aparılıb. Hadisə ilə bağlı araşdırma başladılıb.
Musavat.com
