"Mançester Yunayted"in keçmiş qapıçısı David de Xea "Əl-Nəsr"ə keçməkdən imtina edib.
BAKU.WS-in xəbərinə görə, bu barədə "The Sun" nəşri məlumat yayıb.
Məlumata görə, "Əl-Nəsr" 33 yaşlı qolkiperi son dəqiqəyə qədər razı salmağa çalışıb və ona həftəlik 623 min dollarlıq müqavilə təklif edib.
Lakin futbolçunun həyat yoldaşı Edurne Səudiyyə Ərəbistanına köçməkdən imtina edib.
Qeyd olunur ki, bundan əlavə, Dea Xeanın Lionel Messinin yaydan bəri oynadığı "İnter Mayami"yə keçmək imkanı var.
Qapıçının “Mançester Yunayted”lə müqaviləsi iyul ayında başa çatıb və o, həmin vaxtdan azad agentdir.
