“Rusiya sərhədçilərini Nerkin Hand kəndi kəsişməsindən çıxarmaq lazımdır”.
Musavat.com erməni mediasına istinadən xəbər verir ki, bu barədə Ermənistan "Məlumatlı Vətəndaşlar İttifaqı" ictimai təşkilatının rəhbəri Daniel İoannisyan yazıb.
“Azərbaycan-Ermənistan sərhədində Avropa müşahidəçilərinin yaxınlaşa bilməyəcəyi yeganə yer var - Nerkin Hand.
Magistral yoldan Nerkin Handa gedən yolun kəsişməsində rus sərhədçiləri hasar çəkərək Aİ müşahidəçilərini kəndə buraxmırlar.
Əminəm ki, ruslar Nerkin Handı Aİ müşahidəçilərindən təcrid etməsəydilər, dörd nəfər həlak olmazdı.
Bu səbəbdən Rus sərhədçilərini Nerkin Xanddan çıxarmaq Zvartnots hava limanından uzaqlaşdırmaqdan belə təcili məsələdir”,-deyə erməni ekspert bildirib.
Musavat.com
