"Rusnano"nun keçmiş baş direktoru Anatoli Çubaysın 450.000 rubl pensiyası dövlət korporasiyasına olan borcunu ödəmək üçün silinəcək.
Musavat.com xəbər verir ki, bu barədə "Mash" nəşri məlumat yayıb.
"Mash"ın məlumatına görə, Çubaysın İsrailə köçməsindən sonrakı üç il ərzində onun pensiyası yığılaraq təxminən 14 milyon rubl olub.
"Rusnano"nun Çubaysa qarşı təzminat iddiası "Plastic Logic" layihəsi ilə bağlıdır. "Plastic Logic" layihəsi 2009-cu ildə Rusiya məktəbləri üçün çevik planşetlər yaratmaq məqsədi ilə başlayıb.
"Rusnano" həmçinin müvəqqəti tədbirlər tələb edib, buna görə də məhkəmə cavabdehlərin ümumi məbləği 5.607.112.053 rubl olan nağd pulunu və digər aktivlərini müsadirə edib.
Mayın 26-da apelyasiya məhkəməsi Anatoli Çubays və "Rusnano"nun "Plastic Logic" layihəsindəki digər altı keçmiş top menecerindən təxminən 3,9 milyard rubl və 20,45 milyon dollar pulu geri almaq qərarını qüvvədə saxlayıb.
Çubays daha əvvəl artıq müxalifətçi olduğunu elan edərək, Kanadadan ona qarşı sanksiyaları ləğv etməsini tələb edib.
Musavat.com
