Çinin məşhur “Xiaomi” şirkətinin gəlirləri son 3 ayda ciddi şəkildə azalıb.
Musavat.com xarici mediaya istinadən bildirir ki, bu barədə məlumat şirkətin hesabatında yer alıb.
Digər tərəfdən dünyanın üçüncü ən böyük smartfon istehsalçısı pandemiya səbəbiylə 900 işçisi ilə yollarını ayırdığını bəyan edib. Məlumatda qeyd edilib ki, şirkətin builki mənfəəti ötən ilin eyni dövrü ilə müqayisədə azalaraq 200 milyon dollar təşkil edib.
“Xiaomi”nin CEO-su Lei Jun investorlarla etdiyi son yığıncaqda bildirib ki, şirkət son rübdə 70,1 milyard yuan (10,31 milyard dollar) gəlir əldə edib. Lakin şirkətin mənfəəti cəmi 200 milyon dollar civarında olub. Bu rəqəm son illərin ən aşağı göstəricisi kimi qeyd edilib.
Eyni zamanda “Xiaomi”nin səhmləri də ötən illə müqayisədə 52 faiz dəyər itirib.
Musavat.com
