"Cavanşir Məmmədov bir sənət dostum, azərbaycanlı kişisi kimi məni qoruyurdu. Qoruyucu mələk kimi qoruyurdu".
Bu sözləri Əməkdar artist Firuzə İbadova qonaq olduğu "Elgizlə izlə" verilişində deyib.
Mərhum duet ortağı Əməkdar artist Cavanşir Məmmədovun vəfatından sonra ilk dəfə efirə çıxan sənətçi bildirib ki, özünü onun yanında hər zaman güvəndə hiss edib:
"Konsertə də gedəndə rahat idim ki, nə oxuyacağam. Çəkilişlərdə, toyda bilirdi ki, nəyi oxuyacağam. Zala baxıb deyirdi ki, burada yaşlı insanlar çoxdur, onlara uyğun oxuyaq. Gənclər olanda onlara uyğun repertuar seçirdi".
Qeyd edək ki, Əməkdar artist Cavanşir Məmmədov bu ilin aprelin 20-də ürək çatışmazlığından dünyasını dəyişib.\bizim.media
