Yaxın Şərqdə və onun hüdudlarından kənarda yerləşən ərəb dövlətləri İsraillə əlaqələr qurmağa hazırdır.
“Report” TASS-a istinadən xəbər verir ki, bunu ABŞ-nin dövlət katibi Antoni Blinken Davosda Dünya İqtisadi Forumunda panel müzakirəsi zamanı deyib.
“Ərəb ölkələri və müsəlman dövlətləri, hətta Yaxın Şərq regionundan kənarda olan ölkələr belə, İsraillə inteqrasiya, normallaşma və təhlükəsizlik baxımından əvvəllər olmayan əlaqələri qurmağa hazırdırlar. Üstəlik, onlar lazımi təminatları, öhdəlikləri və zəmanətləri verməyə hazırdırlar”, - o vurğulayıb.
