Honqkonqda bir komandanın 11 futbolçusu danışılmış oyunlarda ittiham edilərək həbs olunub.
“Report”un xarici mətbuata istinadən məlumatına görə, bir il davam edən araşdırmadan sonra Korrupsiyaya Qarşı Mübarizə Komissiyası (ICAC) birinci divizionda saxtakarlıq iddiası ilə ümumilikdə 23 nəfərin saxlanıldığını açıqlayıb.
İddia edilən cinayətlərə rüşvətxorluq, oyun manipulyasiyası və qanunsuz qumar daxildir. Qeyd olunub ki, hər bir futbolçu oyunun nəticəsinə bilərəkdən təsir etdiyi üçün 1200 ABŞ dolları alıb.
