ABŞ prezidenti Cozef Bayden qeyri-qanuni miqrasiya problemini həll etmək üçün rəqibi və sələfi Donald Trampın üsullarından istifadə edə bilər.
Musavat.com xarici mediaya istinadla xəbər verir ki, bu, hətta Ukraynaya maliyyə dəstəyini davam etdirərkən Nümayəndələr Palatasında respublikaçılarla sərhəd nəzarəti ilə bağlı vədlərin “mübadiləsi” baş tutmasa belə baş verəcək.
Bayden administrasiyasına yaxın mənbələr Politico-ya sərhəddə nəzarətini gücləndirmək planları barədə məlumat veriblər. Bunu “The New York Times”ın jurnalistləri də təsdiqləyir. Nəşr qeyd edir ki, əvvəlcə miqrasiyaya sadiq olan demokrat prezident indi vəziyyətin həddən artıq dəyişdiyin başa düşür. Miqrantların gündəlik keçiş limiti 8,5 min nəfərdən çox olarsa, yaxud həftə ərzində hər gün 5 mindən çox insan sərhədi keçməyə cəhd edərsə, sığınacaq hüququ əldə etmək zəmanətləri pozmaq lazım gələcək.
Formal olaraq, vitse-prezident Kamala Harris qeyri-qanuni miqrasiya ilə mübarizə istiqamətinə cavabdehdir. O, artıq ABŞ tarixinə ən nüfuzsuz ikinci şəxslərdən biri kimi düşəcək. Harrisin reytinqi aşağıdır, ona məsuliyyətli işlər tapşırılmır və Bayden ona prezidentliyinin əvvəlində qeyri-qanuni mühacir axını ilə mübarizə tapşırığı versə də, vitse-prezident işinin öhdəsindən gələ bilməyib. Nəticədə Baydenin rəqibi Trampı ABŞ xalqının gözündə qeyri-qanuni miqrasiya problemini həll edə biləcək yeganə siyasətçi durumuna gəlib.
Hazırda bu problemin həll oluna biləcəyi yeganə yolun Mexiko ilə əlaqə olduğu düşünülür. Qeyri-qanuni mühacirlərin karvanları məhz Meksika vasitəsilə ABŞ sərhədinə gedir. Birbaşa iqtisadi təsirə malik olan Vaşinqton ölkə başçısı Andres Manuel Lopez Obradora təqlin edib ki, honduraslıları, venesuelalıları və digər ölkələrdən gələn mühacirləri tutub öz vətənlərinə qaytarsın. Ancaq reallıqda meksikalılar qeyri-qanuni mühacir axınına nəzarət etməkdə o qədər də maraqlı deyillər: bir çox meksikalı sərhədçilər ABŞ-da sığınacaq axtaranlarlarla amerikalı həmkarlarının məşğul olacağını düşünür və onların sərhədi keçdiyi anı gözləməyi daha məqbul sayırlar.
Musavat.com
