“Mən rəsmən bəyan edirəm ki, Ermənistan heç kimə qarşı yönəlmiş proqramlarda iştirak etmir və münasibətlərini bunun üzərində qurmur”.
Musavat.com erməni mediasına istinadən xəbər verir ki, bunu Ermənistanın xarici işlər naziri Ararat Mirzoyan parlamentdə xarici əlaqələr daimi komissiyasının iclasında bəyan edib.
Onun sözlərinə görə, Qərb və Aİ ilə münasibətlərin dərinləşməsi Rusiya Federasiyasına qarşı və bu münasibətlərin məhvinə yönəlməyib.
“Bu, həm də qonşularımıza qarşı yönəlməyib. Məqsədimiz Ermənistanın təhlükəsizliyini artırmaqdır”, - deyə Mirzoyan bildirib.
Musavat.com
