ABŞ Şimali Koreyadan Rusiyaya silah tədarükündə iştirakda şübhəli bilinən Slovakiya vətəndaşına qarşı sanksiyalar tətbiq edib.
Musavat.com xarici agentliklərə istinadən xəbər verir ki, bu barədə BBC məlumat yayıb. ABŞ Maliyyə Nazirliyinin rəsmi məlumatına əsasən, Bratislava sakini, 56 yaşlı Aşot Mkrtıçev 2022-ci ilin sonu ilə 2023-cü ilin əvvəli arasında Rusiya ilə Şimali Koreya arasında iyirmi növdən çox silah və sursatın satışı və barterinin təşkilində iştirak edib. Nazirlik aydınlaşdırıb ki, silah müqabilində KXDR “sərnişin təyyarələrindən tutmuş xammal və mallara qədər müxtəlif əşyalar” alıb.
Bəyanatda Mkrtıçevin vasitəçiliyi ilə hər hansı sövdələşmənin bağlanıb-bağlanmadığı göstərilmir.
Musavat.com
