6 uşaqlı Tokyürek ailəsi Muğlada açılış mərasiminə qatılan prezident Rəcəb Tayyib Ərdoğanı yaxından görmək üçün Fransadan Türkiyəyə gəlib.
Musavat.com "Milliyet"ə istinadən xəbər verir ki, ailənin başçısı Əli Tokyürek prezident Ərdoğanı çox sevdiklərini bildirib.
Anisa Tokyürek isə qeyd edib ki, Ərdoğan dünya lideridir: "Prezident Rəcəb Tayyib Ərdoğan çox ədalətli və mərhəmətli bir liderdir. Onu yaxından görmək istəyirdik".
Qeyd edək ki, Türkiyə prezidenti Rəcəb Tayyib Ərdoğan Muğlada səhiyyə, təhsil və nəqliyyat sektoru üzrə bir çox açılışlar edib. Açılış mərasimindən sonra prezident Menteşe rayonunda vətəndaşlarla görüşüb.
Musavat.com
