Qazaxıstan 16 yaşdan kiçik istifadəçilərin əksər onlayn platformalarda - sosial media, video hostinq saytları və məzmun xidmətlərində qeydiyyatdan keçməsini qadağan edən qanun layihəsi hazırlayıb.
Musavat.com yerli mediaya istinadla xəbər verir ki, istisna yalnız mesajlaşma tətbiqləri üçün ediləcək.
İzah qeydində qeyd olunur ki, təşəbbüs uşaqları zərərli və qanunsuz məzmundan qorumaq və daha təhlükəsiz informasiya mühiti yaratmaq məqsədi daşıyır. Həmçinin qeyd olunur ki, "qanun layihəsinin tətbiqi büdcə xərcləri tələb etməyəcək və mənfi sosial-iqtisadi nəticələrə səbəb olmayacaq".
Sənəddə müxtəlif qanunvericilik aktlarına 80-dən çox düzəliş daxildir. Bunlar təhlükəli məzmunun həcmini azaltmaq, uşaqların onlayn təhlükəsizliyini yaxşılaşdırmaq, yerli və xarici platformalar üçün bərabər şərait yaratmaq və onlayn mediaya etimadı gücləndirmək məqsədi daşıyır.
Xatırladaq ki, Özbəkistan da Mərkəzi Bankı banklara və ödəniş qurumlarına yüksək riskli əməliyyatlar üçün təkmilləşdirilmiş identifikasiya metodlarını qoruyarkən yetkinlik yaşına çatmayanların mobil tətbiqlər vasitəsilə elektron ödənişlərdən istifadə edə bilmələrini təmin etməyi tapşırıb.
Musavat.com
