Rusiyada müəyyən tezliklərdə işləmək barədə müstəqil qərar qəbul etməyə imkan verən süni intellekt (AI) sistemi ilə təchiz edilmiş "Gürzə" adlanan portativ antidron yaradılıb.
Musavat.com Rusiya mediasında istinadla xəbər verir ki, bu barədə “Geran” elmi-istehsalat müəssisəsinin (EİM) baş konstruktoru Oleq Jukov məlumat yayıb.
Onun sözlərinə görə, analoqu olmayan antidron yerli mühəndislərin son nailiyyətidir və artıq Rusiya əsgərləri tərəfindən xüsusi hərbi əməliyyat zonasında istifadə olunur. “İş süni intellekt alqoritmlərinə əsaslanır. Quraşdırma müstəqil olaraq tələb olunan boşalma tezliklərini yandırıb-söndürməyə qərar verir”, - deyə konstruktor izahat verib.
Jukov əlavə edib ki, dronların siqnallarının susdurulmasında süni intellektdən istifadə öz bəhrəsini verib: "Dron siqnallarının aşkarlanması dayandırıldıqda, susdurma avtomatik olaraq söndürülür".
Antidronun çəkisi 25 kiloqramdır. Məhsul 10 tezlik diapazonunda işləməyə qadirdir. Antidron 1500 metrə qədər məsafədə dronların siqnallarını susdura bilir.
Musavat.com
