Madridin “Real” klubu İtaliya “İnter”inin hücumçusu Mauro İkardini transfer etmək fikrindən daşınmayıb.
Oxu.Az AS nəşrinə istinadən xəbər verir ki, futbolçunun transfer qiyməti 110 milyon avrodur.
İkardi Çempionlar Liqasında çıxış etmək və bu turnirdə mümkün qədər çox irəliləmək istəyir. “İnter” isə qrupda üçüncü yer tutduğundan mübarizəni Avropa Liqasında davam etdirəcək.
Qeyd edək ki, bir həftə öncə İkardi “Real”a keçmək istəmədiyini açıqlamışdı.
