AZ RU
ABŞ kəşfiyyatından Trampa xəbərdarlıq: "Rusiyanın əlində gizli məlumatlar var"
BÖLÜM: Dünya
YAYIM TARİXİ: 11 Yanvar 2017 17:09
ABŞ kəşfiyyatından Trampa xəbərdarlıq:

ABŞ-ın Mərkəzi Kəşfiyyat İdarəsi (CIA) Barak Obama və Donald Trampa sənədlər göndərərək, xəbərdarlıq edib.

Musavat.com ABŞ mətbuatına istinadən xəbər verir ki, Mərkəzi Kəşfiyyat İdarəsi Rusiyanın əlində Donald Trampın şəxsi həyatı və maliyyə vəziyyəti ilə bağlı həssas məlumatların olduğunu bildirib.

ABŞ mətbuatının iddialarına görə, Mərkəzi Kəşfiyyat İdarəsinin sənədlərində Rusiyanın prezidentliyə namizəd olmuş Hillari Klintona aid məlumatları seçki kampaniyasına mənfi təsir etmək üçün yayaraq, Donald Trampın prezident seçilməsinə yardım etdiyi qeyd olunur. 

Ehtimal olunur ki, Rusiya Donald Tramp haqqında əldə etdiyi gizli məlumatları onun üzərində təzyiq yaratmaq üçün istifadə edə bilər.

Donald Tramp isə bu barədə bütün iddiaları rədd edərək, “Saxta xəbərlərdir. Siyası bir oyundur” - deyə vurğulayıb.

Kreml isə öz növbəsində səsləndirilən bütün iddiaları birmənalı şəkildə yalanlayıb.
 
Aygün SƏFƏRLİ,
Musavat.com

ŞƏRHLƏR
ŞƏRH YAZ
Şərh yoxdur
XƏBƏR LENTİ
Çox Oxunanlar
Bugün
Bu Həftə
Bu Ay
Yeni Müsavat © 2001-2016
Рейтинг@Mail.ru