Son aylar Suriyada yaşanan gərginliklər iki supergücü qarşı-qarşıya gətirib. İnsanlar ABŞ və Rusiyanın 3-cü dünya müharibəsinin fitilini odlayacağından qorxur. Hazırda bir çox insanın beynində bu kimi suallar var: Bu iki ölkə həqiqətən də savaşa başlayarmı. Yaxud da başlayarsa ABŞ, yoxsa Rusiya qalib gələr? Hansı ölkənin ordusu və iqtisadi gücü daha çoxdur?
ABŞ-ın gücü bütün dünyaya məlumdur. Lakin Rusiyanın da gücünü o qədər də zəif hesab etmək olmaz. Hər iki ölkənin nüvə silahları mövcuddur. Ötən ay Putin dünyanın istənilən yerini vura biləcək uzunmənzilli raket istehsal etdiklərini açıqlayıb.
Musavat.com iki süpergüc dövlətin ordusunun vəziyyətinin qarşılaşmasını təqdim edir.
Dünya savaş gücünün sıralamasına görə, ABŞ birinci, Rusiya ikinci yerdədir.
ABŞ-da aktiv hərbçi personalının sayı 1.281.900 nəfər, Rusiyada isə 1.013.628 nəfərdir.
ABŞ-ın toplam hərbçilərinin sayı 2.083.100 nəfər, Rusiyada isə 3.586.128 nəfərdir.
ABŞ-ın müdafiə büdcəsi 647 milyard dollar, Rusiyanın isə 47 milyard dollardır.
ABŞ-ın döyüş təyyarəsinin sayı 1962 , Rusiyanınkı isə 818 ədəddir.
ABŞ-ın hücum təyyarəsinin sayı 2830, Rusiyanınkı isə 1416 ədəddir.
ABŞ-ın döyüş helikopterinin sayı 973, Rusiyanınkı isə 511 ədəddir.
ABŞ –da tankların sayı 5884, Rusiyada isə 20300 ədəddir.
ABŞ-ın 20 təyyarədaşıyan gəmisi var, Rusiya isə 1 təyyarədaşıyan gəmiyə sahibdir.
ABŞ-ın zirehli döyüş maşınları 38822, Rusiyanınkı isə 27400-dür.
ABŞ-ın hərbi donanmasında 55 sualtı qayıq var, Rusiyanın sualtı qayıqlarını sayı 62-dir.
Döyüş maşınlarının keyfiyyəti, gücü, dözümlülüyü, yeniliyi isə tamam başqa və geniş müqayisələrin mövzusudur.
Turan Oruc
Musavat.com
