Zelenski Roma Papasının qalmaqallı açıqlamasına kəskin reaksiya verib.
Musavat.com xəbər verir ki, Ukrayna prezidenti Papa Fransiski Ukraynanı “ağ bayraq qaldırmağa cəsarət göstərməyə” çağırdığına görə qınayıb.
“Rus şəri fevralın 24-də bu müharibəyə başlayanda bütün ukraynalılar müdafiəyə qalxdı. Xristianlar, müsəlmanlar, yəhudilər - hamı. Mən ordunun, müdafiə qüvvələrinin yanında olan hər bir din xadiminə təşəkkür edirəm. Bizi dua, söhbət və əməllə dəstəkləyirlər", - Zelenski deyib.
Qeyd edək ki, Roma Papası Fransisk Ukrayna müharibəsi haqda sensasion fikir səsləndirib. O, Ukraynanı "münaqişədə uduzan tərəf" adlandırıb və bildirib ki, rəsmi Kiyev danışıqlara razılıq verməklə bu məğlubiyyəti etiraf etmək üçün cəsarət tapmalıdır.
Musavat.com
