"Bir çox xanım düşünür ki, cinsi nahiyədə qaşıntı, göynəmə, yanma, qızartı və digər əlamətlər mütləq ginekoloji xəstəliklər fonunda yaranır və uzun aylar boyu bir ginekoloqdan o biri ginekoloqa müraciət edirlər".
Musavat.com xəbər verir ki, bu sözləri dermatoloq Mehdi İsgəndərli deyib.
Həkim bildirib ki, cinsi orqanda qaşıntı əksər hallarda dermatoloji xəstəliklərin əlamətləri olur: "Uzun çekaplardan sonra heç bir diaqnoz qoyulmur və müalicə təyin edilmir. Səbəbi isə çox sadədir. Çünki bu cür əlamətlər baş verən bir çox genital problemlər məhz dəri xəstəlikləri fonunda yaranır və onun diaqnostikası və müalicəsi yalnız dermatoloq tərəfindən aparılır".
