Alimlər xoruldamaq və insult arasında əlaqə aşkar ediblər.
Xoruldamaq sağlamlıq problemlərinin xəbərdaredici əlaməti ola bilər.
Əksər insanlar xoruldamağın böyük bir problem olduğunu düşünmür. Ancaq həkimlər bunun ciddi bir simptom ola biləcəyini iddia edirlər.
Xoruldamaq tez-tez obstruktiv yuxu apnesinin xəbərdaredici əlamətidir. Bu diabet, piylənmə, hipertoniya, insult, infarkt və digər ürək-damar problemləri riskini artırır. Obstruktiv yuxu apnesindən əziyyət çəkən insanlar yuxu zamanı vaxtaşırı 10-20 saniyə nəfəs almağı dayandıra bilər və bu cür epizodlar gecə yüzlərlə dəfə təkrarlana bilər.
Qeyd etmək lazımdır ki, xoruldamaq həmişə apnenin varlığını göstərmir və xoruldayan hər kəs bu pozğunluğu yaşamır. Bununla belə, xoruldadığını aşkar edən hər kəs obstruktiv yuxu apnesini potensial səbəb hesab etməli və ona diqqət yetirməlidir.//Lent.az
