"Barselona"nın baş məşqçisi Xavi Kataloniya təmsilçisini dünyanın ən yaxşı komandasına çevirmək istəyir.
Qol.az xəbər verir ki, 42 yaşlı mütəxəssis bu barədə İspaniya mətbuatına açıqlamasında danışıb. O deyib:
“Mən Yohan Kroyff və Pep Qvardiolanın tələbəsiyəm. "Barselona"nı yenidən dünyanın zirvəsinə çatdırmağa çalışacağam. Bu mənim eqom üçün deyil, klub üçündür. Mən növbəti Pep Qvardiola olmaq istəmirəm. İstədiyim odur ki, "Barselona" qalib gəlsin və yenidən dünyanın ən yaxşı komandası olsun”.
Qeyd edək ki, Xavi ötən ilin sonlarından "Barselona"nı çalışdırır.
