Yəmən Silahlı Qüvvələri Fələstin ərazisinin dərinliklərindəki mühüm hədəfləri vuraraq əhəmiyyətli bir pilotsuz təyyarə əməliyyatı həyata keçirib.
Musavat.com "Al-Manar"a istinadən xəbər verir ki, Yəmən Silahlı Qüvvələrinin yaydığı bəyanata görə, bu dəqiq zərbələr hədəflərinə uğurla nail olub və Yəmənin Fələstin xalqına dəstəyini təsdiqləyib.
"Yəmən Silahlı Qüvvələri son bir neçə saat ərzində işğal altındakı Fələstin ərazisinin dərinliklərində bir çox strateji nöqtələri vuraraq əhəmiyyətli pilotsuz təyyarə əməliyyatına başlayıb. Allahın ilahi lütfü ilə bu dronlar təyin olunmuş hədəflərinə uğurla çatdılar. Yəmən Silahlı Qüvvələri Fələstin xalqına sarsılmaz dəstək və həmrəylik göstərərək, Yəmən xalqı və millətinin çağırış və istəklərinə cavab verərək, hərbi əməliyyatlarına sadiq qalır. Onların missiyası İsrailin Qəzzada qərarlı qardaşlarımıza qarşı amansız hücumu bitənə qədər davam edəcək" - bəyanatda bildirilib.
Musavat.com
