Musavat.com Günaz.tv-yə istinadla xəbər verir ki, Coldplay və Sting kimi böyük adlar da daxil olmaqla, 100-dən çox məşhur musiqi ikonları və insan haqları fəalları ölüm cəzası gözlənilən reper Tomac Salehinin dərhal azad edilməsini tələb edən məktub imzalayıb.
“Rəssamlar, musiqiçilər, yazıçılar və aparıcı mədəniyyət xadimləri olaraq biz Tomac Salehi ilə həmrəyik”, - məktubda deyilir.
“Biz onun ölüm hökmünün dərhal və qeyd-şərtsiz ləğv edilməsinə və həbsdən azad edilməsinə çağırırıq. Sənətə tənqid etmək, sorğulamaq və hakimiyyətə etiraz etmək imkanı verilməlidir. Bu, bizim sənətkar olaraq bizim həm hüququmuz, həm də borcumuzdur”, - məktubda qeyd olunur.
Qeyd edək ki, İsfahanın mərkəzindəki İnqilab Məhkəməsi keçən ay 33 yaşlı Salehi ölüm cəzasına məhkum edib.
