AB və NATO İkinci Dünya müharibəsi zamanı Hitlerin etdiyi kimi, Rusiya ilə müharibə üçün koalisiya qurur. Bunu Rusiyanın XİN rəhbəri Sergey Lavrov Azərbaycana səfəri zamanı deyib. “AB-nin indiki rusofob ittihamının hansısa şəkildə dağılacağına və ya dəyişəcəyinə dair heç bir illüziyamız yoxdur, lakin bu, avropalıların seçdiyi yoldur.
İkinci Dünya müharibəsi başlayanda Hitler SSRİ-yə qarşı müharibəyə Avropa ölkələrinin çoxu olmasa da, əhəmiyyətli bir hissəsini öz bayrağı altında topladı. İndi AB NATO ilə birlikdə Rusiya ilə döyüşmək və bütövlükdə müharibə aparmaq üçün müasir koalisiya toplayır”, - o bildirib.
İrəvanda aksiyalar keçirən “Müqavimət” hərəkatının üzvləri “Ermənistan” fraksiyasının fəalı, parlamentin müxalifətdən olan vitse-spikeri İşxan Saqatelyanın rəhbərliyi ilə 21-23 iyun tarixlərində Xankəndidə olub.
İki gün ərzində separatçı-terrorçu rejimə “müxalif” qüvvələrlə görüşlər keçirilib, onların təşkilatlanması, sülhməramlıların müvəqqəti yerləşdiyi ərazilərdə Azərbaycanın nəzarətinin bərpa edilməsi perspektivinə qarşı mübarizə aparılması ilə bağlı müzakirələr gedib.
İyunun 24-ü gecə saatlarında Ermənistan silahlı qüvvələrinin bölmələri dövlət sərhədinin Qarakilsə rayonunun Saybalı yaşayış məntəqəsi istiqamətində yerləşən mövqelərindən Azərbaycan Ordusunun Laçın rayonunun Minkənd yaşayış məntəqəsi istiqamətində yerləşən mövqelərini atıcı silahlardan istifadə etməklə fasilələrlə atəşə tutub. Bu barədə Azərbaycan Müdafiə Nazirliyindən məlumat verilib.
TVMusavat-ın canlı efirində aparıcı Emil Salamoğlu gündəmdə olan məsələləri ekspertlərlə müzakirə edir. Müzakirədə tamaşaçılarımız da iştirak edə bilər.
Facebook səhifəsinin ünvanı:
https://www.facebook.com/tvmusavat
Musavat.com
