Sui-qəsd cəhdindən sağ çıxan Slovakiyanın baş naziri Robert Fitso bu həftə sonu Avropada başlayacaq Avropa Parlamenti seçkilərində səs verib.
Musavat.com xəbər verir ki, bu barədə telegram kanalları məlumat yayıb.
R.Fitsonun səsvermə zamanı fotosu yayılıb.
Qeyd edək ki, Slovakiyanın Baş naziri Robert Fitsoya qarşı sui-qəsd cəhdi mayın 15-də olub. R.Fitso ictimaiyyət arasında çıxdıqdan sonra ona atəş açılıb. O, sinə və qarın nahiyələrindən çoxsaylı xəsarətlər alıb. Daxili İşlər Nazirliyinin məlumatına görə, atəş açanın motivi siyasi olub. Slovakiya KİV-i qeyd edib ki, Baş nazirinin həyatına sui-qəsd cəhdi 71 yaşlı yazıçı Yuray Tsintula tərəfindən edilib. Həmin şəxs polis tərəfindən tutulub.
Musavat.com
