Rusiyanın Buryatiya Respublikasında yanacaq daşıyan qatar partladılıb.
Musavat.com APA-ya istinadən bildirir ki, hadisənin Ukrayna Təhlükəsizlik Xidməti tərəfindən törədildiyini bildirib.
Məlumata əsasən, müxtəlif növ yanacaqla dolu 41 çən, aviasiya yanacağı ilə dolu 3 çən və içərisində qara metal olan 6 vaqondan ibarət qatar partladılıb.
Qeyd olunub ki, Baykal-Amur magistral xəttinin bu hissəsi Rusiya ilə Çin arasında dəmir yolu əlaqəsində çox mühüm rol oynayır və hadisə baş verən zaman 4 partlayıcı qurğu işə düşüb.
Hazırda Rusiya Federal Təhlükəsizlik Xidməti hadisə yerində araşdırma aparır.
