“Rusiya Ermənistanda hakimiyyət dəyişikliyində maraqlı deyil”.
Musavat.com erməni mediasına istinadən xəbər verir ki, bu barədə yerli siyasi şərhçi Akop Badalyan danışıb.
“Rusiya Federasiyası az-çox belə proseslərdə iştirak edirsə, bu, Rusiya üçün əlavə məsuliyyət yaradacaq. Rusiyanın aydın qərarları və Ermənistanın təhlükəsizliyi üçün məsuliyyəti öz üzərinə götürmək istəyi varsa, belə bir arzusu olacaq. Mən indiki anda burada bir istək görmürəm. Əksinə, indi Rusiya məsuliyyəti digər oyunçuların, xüsusən də rəqibi olan Qərbin üzərinə atılmasının əleyhinə deyil. İndi Qafqazda məsuliyyəti öz üzərinə götürmək stimullaşdırıcı amildən daha çox çəkindirici rol oynayır”, - deyə Badalyan qeyd edib.
Musavat.com
