“Respirator infeksiyalar bütün mövsümlərdə görünsə də, qışda artır”.
Musavat.com APA-ya istinadən xəbər verir ki, bunu Səhiyyə Nazirliyinin mütəxəssis-eksperti infeksionist Vasif Əliyev bildirib.
Onun sözlərinə görə, qışda insanlar daha çox qapalı məkanlarda olur və bir-birinə sıx təmas edir:
“Virus daşıyıcısı olan adamla təmas olanda xəstəlik bir nəfərdən digərinə ötürülür. Respirator infeksiyalar təkcə qrip deyil, influenza, koronavirus, rinovirus və digər viruslar hamısı respirator infeksiyalara səbəb olur”.
