"Qarabağ"ın baş məşqçisi Qurban Qurbanov adının Türkiyənin "Beşiktaş" klubu ilə birgə hallanmasına münasibət bildirib.
Musavat.com qafqazinfo-ya istinadən xəbər verir ki, təcrübəli mütəxəssis bununla bağlı suala belə cavab verib:
"Bu suallar çox olur. Fikir bildirmək düzgün olmaz. Fikrimin yayınmasına ehtiyac yoxdur. Normal prosesdir. "Qarabağ"dayam, bu kluba bağlıyam. Məncə, özümüz də az müzakirə etsək, daha yaxşı olar. Ay yarımdır gah o klub, gah bu klub... Bu cür fikirlərdən uzaq olmağa çalışıram. Həmişə xoşlamışam ki, qərar qəbul olunsun və ondan sonra fikir bildirim. Sizə həqiqi məlumatı çatdırım. Yoxsa, biri ordan, biri burdan... Çox da ucuzlaşdırmaq lazım deyil. Bu gün "Qarabağ"dayam və bu klub haqda düşünürəm. Burada daha da böyümək, daha da yaxşı nəticələr vermək lazımdır. Azərbaycan futbolu haqda daha çox düşünmək gərəkdir. "Beşiktaş" məsələsi daha az müzakirə olunsa, çox sevinərəm.
