Qırğızıstan parlamentinin spikeri Nurlanbek Şakiyev və deputat Ulan Primovun təşəbbüsü ilə dövlət bayrağının dəyişdirilməsi haqqında qanun layihəsinə birinci oxunuşda baxılıb.
Deputat Maksat Sarbagışov Joqorku Keneşin iclasında dövlət bayrağının müəlliflərindən ölkə bayrağında təsvir olunan tundukdakı çubuqların (çamqarak) sayının dəyişdirilməsinin səbəbini soruşub, deyib ki, niyə yeni variantda üç yox, dörd çubuq var.
Fizika-riyaziyyat elmləri namizədi Mirzabek Batırxanov bildirib ki, son 10 ildə tundukta üç çubuqdan istifadə olunub.
“Bakan (yurtda tunduq qaldırmaq üçün xüsusi alət) köməyi ilə tundu qaldırır, sonra yurdu yığmağa başlayırlar. Bu yaxınlarda tundukda dörd çubuq hazırlamağa başladılar. Məncə, bu, yurtun dörd hissəsinin (şimal, cənub, qərb, şərq) olması ilə bağlıdır”.
Maksat Sarbağışov bununla razılaşmayıb: “Mən bunu cavab kimi qəbul etmirəm. Heç vaxt dörd çubuq olmayıb. Bunu özünüz də bir yetkin insan kimi bilirsiniz”.
Spiker Nurlanbek Şakiyev Batırxanovun cavabına əlavə edib:
“Tarixçilər deyirdilər ki, qırğızların zəngin yurtunda dörd, kasıb yurtunda isə üç çubuq vardı. Bu cür fikirlər söylənildi, ona görə də onların fikirləri nəzərə alınaraq daha biri əlavə olundu”.
Qanun layihəsində Qırğızıstan Respublikasının bayrağındakı şüaların formasının dalğavaridən günəş şüalarına bənzəyən formaya dəyişdirilməsi təklif edilir. Təklif olunan versiyada şüalar eyni ölçülüdür.
Musavat.com
