Qırğızıstan Prezidenti Sadır Japarov Azərbaycana işgüzar səfərə yola düşüb.
“Report” bu barədə Qırğızıstan prezidentinin mətbuat xidmətinə istinadən xəbər verir.
Səfər çərçivəsində dövlət başçısı Türk Dövlətləri Təşkilatının (TDT) iyulun 5-6-da Şuşada keçiriləcək qeyri-rəsmi Zirvə toplantısında iştirak edəcək.
Nümayəndə heyətinə Qırğızıstan xarici işlər naziri Jeenbek Kulubayev, Prezident Administrasiyasının Xarici siyasət şöbəsinin müdiri Muratbek Azımbakiyev, bu ölkənin Azərbaycandakı səfiri Maksat Mamıtkanov, nəqliyyat və kommunikasiya naziri Tilek Tekebayev daxildir.
