“Azərbaycanın daha qlobal problemi dərhal həll etmək üçün genişmiqyaslı hücuma keçəcəyini istisna etmirəm”.
Musavat.com erməni mediasına istinadən xəbər verir ki, bunu jurnalistlərlə söhbətində “Ermənistan” blokundan olan deputat Armen Rüstəmyan deyib.
“Əgər eskalasiya təhlükəsi yoxdursa, o zaman hakimiyyət niyə xalqı müharibə ilə qorxudur?”, - deyə Armen Rüstəmyan qeyd edib.
Rüstəmyan bunun çox açıq proqramlaşdırılmış proses olduğunu da dilə gətirib. Onun fikrincə, görünür, erməni tərəfinin başqa yolu yoxdur və təslim olmalıdır.
“Türkiyə və Azərbaycanın məqsədi regionda erməni amilini zərərsizləşdirməkdir”, - deyə Rüstəmyan söyləyib.
Musavat.com
