“Əl-Hilal” və Braziliya millisinin hücumçusu Neymar Braziliyanın “Santos” klubunu almaq variantını nəzərdən keçirir.
Məlumata görə, Neymar 130 milyon avro borcu olan keçmiş klubuna kömək etmək istəyir. Neymarın atası ilə birlikdə klubun səhmlərini almaq imkanını nəzərdən keçirdiyi vurğulanır.
Qeyd edək ki, 32 yaşlı futbolçu 2009-2013-cü illərdə Braziliya klubunun böyüklərdən ibarət komandasında çıxış edib. “Santos” həm də əfsanəvi Pelenin klubu kimi tanınır.//Oxu.az
