Moldova hökuməti iyunun sonunda Avropa İttifaqına daxil olmaq üzrə danışıqlara başlamaq üçün bütün hazırlıq prosedurlarını başa çatdırmağı planlaşdırır.
Musavat.com yerli mediaya istinadla xəbər verir ki, bu barədə jurnalistlərə respublikanın baş naziri Dorin Recan məlumat verib.
“Biz iyunun sonuna kimi Aİ-yə üzvlüklə bağlı rəsmi danışıqlara başlamaq üçün ev tapşırığını tamamlamağı hədəfləyirik”, - deyə hökumət başçısı bildirib. Bundan əvvəl Moldovanın baş nazirinin müavini və xarici işlər naziri Mixay Popsoy bu danışıqlara Avropa Parlamentinə seçkilərdən əvvəl başlanmasının vacibliyini qeyd edib.
Musavat.com
