Misirin hava hücumundan müdafiə qüvvələri Sinay yarımadası üzərində uçan iki pilotsuz təyyarəni vurub.
Musavat.com xarici KİV-ə istinadən xəbər verir ki, bu barədə Misir silahlı qüvvələrinin rəsmi nümayəndəsi Qərib Abdel Hafiz bildirib.
"Nuveybə və Taba şəhərləri yaxınlığında baş verən iki insidentlə bağlı aparılan araşdırmalar çərçivəsində məlum olub ki, iki PUA Qırmızı dənizin cənubundan şimala doğru hərəkət edir", - Misir Silahlı Qüvvələrinin nümayəndəsi bildirib.
O əlavə edib ki, dronlardan bir Misir hava məkanından kənarda, ikincisi isə Taba şəhərinə düşüb.
Musavat.com
